Komisiyo ishinzwe itumanaho muri Uganda (UCC) yategetse ibigo byose by’itumanaho bikorera muri iki gihugu gufunga imbuga za internet zigaragaza amashusho y’urukozasoni, mu rwego rwo kurinda abaturage ibidakwiye no kubungabunga indangagaciro z’Abanya-Uganda.
Umuvugizi wa UCC, Ibrahim Bossa, yatangaje ko iri tegeko ryatanzwe ku wa 2 Mata 2026, anaburira ibigo byose ko bizahanwa mu gihe bitazaryubahiriza. Yavuze ko ishyirwa mu bikorwa ry’iki cyemezo ryatangiye ku wa 14 Mata 2026, aho imbuga zigera kuri 500 zahise zifungwa.
Bossa yasobanuye ko iki cyemezo gishingiye ku ngingo ya 5 n’iya 10 z’itegeko rigenga itumanaho, riha UCC ububasha bwo kugenzura ibitangazwa ku mbuga nkoranyambaga no gushyiraho amabwiriza agenga ibigo by’itumanaho.
